Швеция марказий масжидида Ўзбекистондаги янгиланишлар юқори баҳоланди
Муфтий Шайх Нуриддин Холиқназар Янги Ўзбекистондаги диний ислоҳотлар, масжидлар, Қуръон курслари ва Фатво маркази фаолияти ҳақида гапириб берди.
Швеция пойтахти Стокголм шаҳридаги “Зайд ибн Султон ал-Наҳайён” масжид-мажмуасида Ўзбекистон делегацияси ва Швеция диний етакчилари ўртасида самимий мулоқот бўлиб ўтди.
Учрашувда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Янги Ўзбекистондаги диний ислоҳотлар ҳақида сўзлаб берди. Айниқса, мамлакатимиз масжидлари, Қуръон курсларининг фаолияти, минтақада ягона бўлган Фатво маркази, имом ва қориларнинг хорижий сафарлари швециялик соҳа вакилларида катта қизиқиш уйғотди.
Муфтий ҳазратлари Рамазон ҳайити арафасида Президент ташаббуси билан очилган Ислом цивилизацияси маркази ва Имом Бухорий масжид-мажмуаси халқимизга тўҳфаси ҳақида сўзлаб, Швеция вакилларини ушбу мажмуалар билан яқиндан танишишга таклиф этди.
Масжид бош имоми Маҳмуд Халфий Ўзбекистон тарихидаги буюк мутафаккирлар — Имом Бухорий, Имом Термизий, Имом Мотуридий каби олималар ва Беруний, Ибн Сино, Мирзо Улуғбек сингари олимларнинг илм-фанга қўшган ҳиссаси, шунингдек, бугунги кунда мамлакат тараққиёти ҳақида сўзлаб берди.
Швеция Ташқи ишлар вазирлиги махсус вакили Кристиан Камил Ўзбекистон ва Швеция ўртасидаги ўхшашликларни таъкидлаб, делегациялар ўртасидаги мулоқотнинг ижобий натижалар беряптганини қайд қилди.
