Ҳусийлар урушга кирди — NYT
Ҳусийлар шанба куни Исроилга ракета зарбаси берганини расман тасдиқлади.
Сўнгги маълумотларга кўра, Ямандаги Эрон томонидан қўллаб-қувватланадиган қуролли гуруҳ — ҳусийлар шанба куни Исроилга қарши баллистик ракета ҳужуми уюштирганини эълон қилди. Бу эса Яқин Шарқдаги тобора кенгайиб бораётган урушда яна бир фронт очилгандек таассурот қолдирди. Бу ҳақда The New York Times хабар қилди.
CNN нашрининг ёзишича, Исроил томонидан тутиб қолинган баллистик ракета Исроил томонидан босиб олинган босиб олинган Ғарбий Соҳилнинг жанубида жойлашган Исроил ҳарбий объектларини нишонга олган.
Жума куни АҚШ расмийлари маълум қилишича, Эрон томонидан Саудия Арабистонидаги ҳарбий базага уюштирилган ракета ва дрон ҳужуми натижасида 12 нафар америкалик ҳарбий яраланган, улардан иккитаси оғир аҳволда. Бу уруш бошланганидан буён АҚШ мудофаа тизимидаги энг жиддий бузилишлардан бири сифатида баҳоланмоқда.
Ҳусийларнинг ҳарбий вакили Яҳё Сарий ҳужумлар “тажовуз тўхтамагунча давом этишини” таъкидлади. Бу баёнот АҚШ-Исроилнинг Эрон билан уруши ҳамда Исроилнинг Ливандаги яна бир Эронпараст гуруҳ — “Ҳизбуллоҳ”га қарши олиб бораётган кампаниясига ишора қилади.
