Ўзбекистонда 21 ёшдан кейин никоҳ қилган ёш оилаларга имтиёзлар белгиланди
2027 йилдан бошлаб илк бор никоҳ қилган ва ҳар икки тараф 21 ёшдан ошган ёш оилаларга қўшимча имтиёзлар берилади.
Ўзбекистонда молиявий мустақилликка эришган ва оила қуришга тайёр ёшлар ўртасида никоҳларни рағбатлантириш мақсадида янги имтиёзлар тизими белгиланди. Бу ҳақда Адлия вазирлиги хабар берди.
2027 йилдан бошлаб, ҳар икки тараф камида 21 ёшга тўлган ва илк бор никоҳдан ўтаётган ёш оилаларга давлат томонидан қўшимча моддий рағбатлар тақдим этилади. Хусусан, Ижтимоий реестрга киритилган бундай оилаларнинг субсидиялари, ссудалари ва грантлари амалдаги меъёрларга нисбатан 1,5 баробар оширилади.
Шунингдек, никоҳ шартномасини тузган ёшлар учун никоҳни қайд этишда ундириладиган давлат боҷи бекор қилинади. Ушбу чора-тадбирлар ёш оилаларнинг моддий барқарорлигини таъминлаш ва оилавий муносабатларни мустаҳкамлашга қаратилган.
