“Автомобилсиз кун” ва “Автомобилсиз ҳафта” акциялари ўтказилади
Мазкур акция доирасида давлат идоралари ходимларига хизмат автомобилидан фойдаланиш қатъиян тақиқланади.
1 майдан ҳар ойнинг 10 ва 25 саналарида “Автомобилсиз кун”, “Автомобилсиз ҳафта” акциялари ўтказиб борилади. Бу ҳақда "Ҳуқуқий ахборот" Телеграм-канали хабар берди.
Қайд этилишича, “Автомобилсиз кун”, “Автомобилсиз ҳафта” акциялар доирасида давлат фуқаролик хизматчиларига хизмат автотранспорт воситаларидан фойдаланиш қатъиян тақиқланади.
Ушбу саналар иш кунларига тўғри келганда ҳайдовчиларнинг иш ҳақи сақлаб қолинади.
2026 йил 1 августдан “trade-in” дастури доирасида эскирган автотранспортларни топширган жисмоний ва юридик шахсларга янги транспорт воситаларини харид қилиш учун автокредит фоизининг бир қисми қоплаб берилади.
2026 йил якунига қадар “Экологик транспорт” тизими доирасида Тошкент шаҳрининг ҳудуди “қизил”, “сариқ” ва “яшил” зоналарига ажратиб чиқилиши таъминланади.
Шунингдек, 2026 йил 1 апрелдан чанг бўронларининг олдини олиш учун Сурхондарё ва Сирдарё вилоятларида “яшил девор”лар барпо этиш бошланади.
