Исроилнинг нефть заводига зарба берилди
Ҳужум натижасида заводда ёнғин юзага келган.
Исроилнинг Шимолий ҳудудидаги Базан нефть заводида ракета ҳужумлари оқибатида ёнғин содир бўлди. Бу ҳақда BBC хабар бермоқда.
Оммавий ахборот воситаларида эълон қилинган кадрларда заводдан тутун кўтарилаётгани акс этган. Завод илгари ҳам жорий можарода нишонга олинган эди.
Исроил Ёнғин ва қутқарув хизмати маълумотига кўра, саноат биноси ва ёнилғи ташувчи танкер ракета йўқ қилинганидан кейин қолган қолдиқлар билан зарарланган. Ёнғин хизмати жабрланганлар йўқлигини аммо оловнинг бошқа ҳудудларга тарқалишининг олдини олиш ва ёнғин ҳудудида қолган шахсларни қидириш ишлари давом этаётганини билдирган.
Ракеталар қаердан учирилгани ҳозирча номаълум, аммо Исроил уруш бошланганидан бери Эрон ва Ливанддаги “Ҳизбуллоҳ” гуруҳи томонидан мунтазам ҳужумларга дуч келмоқда.
Аввалроқ Ямандаги Эрон томонидан қўллаб-қувватланадиган қуролли гуруҳ — “Ҳусийлар” шанба куни Исроилга қарши баллистик ракета ҳужуми уюштирганини эълон қилганини хабар бергандик.
