“Мактабгача ва мактаб таълими вазири кубоги” мусобақасининг финал баҳслари якунланди

Термиз шаҳридаги Сурхон арена майдонида ўтказилган “Мактабгача ва мактаб таълими вазири кубоги” мусобақасининг финал баҳслари якунланди.

 

Қайд этилишича, мусобақанинг 3-ўрин учун учрашувида Самарқанд вилояти, Иштихон тумани, 74-мактаб жамоаси Сурхондарё вилояти, Қумқўрғон тумани, 42-мактаб жамоасига 0:2 ҳисобида имкониятни бой берди.

 

 

Финал учрашувида эса Қорақалпоғистон Республикаси, Бўзатов тумани, 10-мактаб жамоаси Бойсун тумани, 30-мактаб жамоасига 0:3 ҳисобида мағлуб бўлди.

 

Якуний натижаларга кўра, ўқувчи қизлар ўртасида футбол бўйича ўтказилган мусобақада:

 

1-ўрин: Сурхондарё вилояти, Бойсун тумани, 30-мактаб жамоасига;

 

 

2-ўрин: Қорақалпоғистон Республикаси, Бўзатов тумани, 10-мактаб жамоасига;

 

 

3-ўрин: Сурхондарё вилояти, Қумқўрғон тумани, 42-мактаб жамоасига насиб этди.

 

Ғолибларни тақдирлаш маросимида Мактабгача ва мактаб таълими вазири Эъзоза Каримова, Спорт вазири Адхам Икрамов, вилоят ҳокимлиги ва ҳамкор ташкилотлар масъуллари, иштирокчи ўқувчи қизлар ҳамда уларнинг ота-оналари ва кенг жамоатчилик вакиллари иштирок этди.

 

 

Мусобақа низомига кўра, республика босқичида:

 

1-ўринни қўлга киритган Бойсун туманидаги 30-мактаб жамоаси “Дамас” автомашинаси ва 250 млн сўм пул мукофотига эга бўлди;

 

2-ўринни олган Бўзатов тумани, 10-мактаб жамоаси “Дамас” автомашинаси ва 200 млн сўм пул мукофоти билан тақдирланди;

 

3-ўринни олган Қумқўрғон тумани, 42-мактаб жамоаси эса “Дамас” автомашинаси ва 150 млн сўм пул мукофотига сазовор бўлди.

 

 

Шунингдек, бошқа жамоаларга Спорт вазирлиги томонидан воркаут майдончаси қуриш бўйича ваучер ва 50 млн сўм пул мукофоти, Давлат хавфсизлик хизмати ва Ўзбекистон футбол ассоциацияси томонидан жами 800 млн сўм қийматдаги футбол коптоклари (ҳар жамоага 50 дона) ва бошқа қимматбаҳо совғалар топширилди.

 

Тадбир давомида таниқли санъаткорлар ва маданият соҳаси вакиллари иштирокида саҳна кўринишлари ва байрам концерт дастури ташкил этилди.