Туркиянинг “Она-дўли оташи” рақс ансамбли пойтахтда ўз концерт дастурини намойиш этди

Тошкентдаги Ўзбекистон халқаро форумлар саройида турк рақс ансамбли “Anadolu Ateshi” (Анадолу олови)нинг жонли концерти бўлиб ўтди. 

 

Концертда Ўзбекистон Республикаси маданият вазири – Озодбек Назарбеков ва Туркиянинг Ўзбекистондаги элчиси Уфук Улуташ, шунингдек, турк рақс санъати мухлислари иштирок этишди.

 

 

Маълум қилинишича, “Она-дўли оташи” ансамбли — Туркиянинг дунёга машҳур рақс ансамбли бўлиб, миллий анъаналар ва замонавий саҳна санъатини ўзида мужассам этган йирик маданий лойиҳадир.   асрдан кўпроқ вақт давомида дунё саҳналарини забт этиб келаётган ушбу машҳур ансамбль бутун дунё бўйлаб миллионлаб томошабинларнинг меҳри ва эътирофига сазовор бўлган.

 

Концерт дастурида рақснинг қадимий келиб чиқиши, унинг фалсафий чуқурлиги ва кўп қиррали моҳиятини очиб берувчи жозибали театрлаштирилган томоша намойиш этилди.

 

 

Жамоа 1999 йилда турк хореографи Mustafa Эрдоğан томонидан ташкил этилган. Ансамбль ташкил этилишидан кўзланган асосий мақсад — Анадолу ҳудудининг бой маданий меросини, халқ рақслари ва мусиқий анъаналарини замонавий саҳна талқини орқали бутун дунёга намойиш этиш эди. Шу мақсадда Туркиянинг турли минтақаларидан иқтидорли раққослар саралаб олинган ва ягона жамоа сифатида шакллантирилган. 100 дан ортиқ профессионал раққослар фаолият юритадиган “Она-дўли оташи” ансамбли ўз чиқишларида турк халқ рақслари, балет, замонавий рақс ва театрал элементларни уйғунлаштиради. Саҳна кўринишлари кенг қамровли композициялар, ёрқин либослар, таъсирчан мусиқа ва юқори даражадаги синхрон ҳаракатлар билан ажралиб туради.

 

 Ансамбль дунёнинг кўплаб давлатларида гастроль сафарларида бўлган ва халқаро фестивалларда иштирок этган. Ансамбль дастурлари орасида “Фире of Anatolia” ҳамда “Трой” каби машҳур саҳна асарлари мавжуд. Жамоа айрим тезкор рақс чиқишлари билан Гиннес рекордлар китобига ҳам киритилган.