“Ёш эколог” кўкрак нишони таъсис этилади
1 майдан “10 минг қадам пиёда” тажрибаси қайта тикланади.
2026 йилдан олий таълим ташкилотлари томонидан яшил кампус лойиҳалари ишлаб чиқилади ва Экология қўмитаси билан келишилади. Бу ҳақда Президентнинг 25 мартдаги 110-сонли қарорида келтирилган.
Қарорга кўра, 1 майдан “10 минг қадам пиёда” тажрибаси қайта тикланади ҳамда “Соғлом турмуш тарзи” платформаси фаолияти йўлга қўйилади.
Шунингдек, 2026 йил 1 майдан бошлаб қуйидаги даражаларда “Ёш эколог” кўкрак нишони таъсис этилади:
• мактаб ўқувчилари ўртасида III даражали “Ёш эколог”;
• техникум ўқувчилари ва олий таълим муассасалари талаба-ёшлари ўртасида II даражали “Ёш эколог”;
• халқаро ва маҳаллий миқёсда юқори натижаларга эришган ёшлар ўртасида I даражали “Ёш эколог”.
