Эрон халқининг матонати туфайли уруш бир ойдан буён давом этмоқда — Эрон элчихонаси
Эрон ҳукумати суверенитети ва хавфсизлигини ҳимоя қилиш мақсадида ҳар қандай агрессияга жавоб бериш учун барча имкониятларини сафарбар этишини маълум қилди.
АҚШ ва Исроил бир ой давомида Эроннинг 600 та таълим муассасаси, 93 233 та ноҳарбий объектини нишонга олган. 28 март ҳолатига кўра, 281 нафар мактаб ўқувчилари ва ўқитувчилари ҳалок бўлган, яраланган аёллар сони эса 4000 нафарга етди. Бу ҳақда Эрон Ислом Республикасининг Ўзбекистондаги элчихонаси матбуот хизмати маълум қилди.
АҚШ ва Исроил Эрондаги сиёсий режимни ағдариш ва урушни тез тугатишни режа қилган эди. Бироқ Эрон томонидан қайтарилган жавобларни АҚШ ва Исроил ҳукуматлари кутмаган эди ва уруш бир ойдан ошиқ вақтдан бери давом этиб келмоқда.
“АҚШ ва Исроил Эрон халқи иродасини бука оламиз, деган аниқ-равшан хато ҳисоб-китоб билан исломий Эронга ноқонуний ҳужум бошлаган эдилар. Эрон қуролли кучларининг огоҳлиги ва халқининг матонатли қаршилик кўрсатиши туфайли бир ойдан буён ўзларининг эълон қилган мақсадларига етолмадилар, балки аксинча ушбу икки босқинчи режимнинг кучсизлиги, чорасизлиги ва нотавонлиги бутун жаҳон аҳли кўз олдида кундан-кунга ошкор бўлиб бормоқда”, — дейилади Элчихона баёнотида.
Маълумотларга кўра, АҚШ ва Исроил Эроннинг 370 та шифохона ва шошилинч тиббий марказлари, шунингдек, 43 та тез ёрдам машинасига ҳужум қилган.
Баёнотда ёзилишича, Эрон БМТ Низомининг 51-моддасига асосан ўзини ҳимоя қилмоқда. Элчихона мамлакат суверенитети ва хавфсизлигини ҳимоя қилиш мақсадида бундай агрессияга жавоб бериш учун барча имкониятларини сафарбар этишини маълум қилди.
Эрон ушбу ошкора агрессия қаршисида БМТ Низомининг 51-моддасида баён этилган ўзини қонуний ҳимоя қилиш ҳуқуқидан фойдаланмоқда, давлатимиз қуролли кучлари барча имкониятларни сафарбар этган ҳолда ушбу агрессияга жавоб бериб, ўз хавфсизлиги ва миллий суверенитетини ҳимоя қилади.
“Яна бир бор халқаро тинчлик ва хавфсизликни сақлашга масъул бўлган давлатларнинг ролини эслатган ҳолда, ушбу давлатлардан БМТ Низоми ва халқаро ҳуқуқнинг фундаментал принципларига асосан ушбу агрессия ҳаракатларини очиқ-ойдин қоралашларини ҳамда халқаро ҳуқуқ-тартиботни сақлаш бўйича ўз ролларини ўйнашларини сўраймиз” дейилади Элчихона хабарида.
Элчихонага баёнотига кўра, Эрон шу вақтга қадар АҚШ билан ҳеч қандай музокара ёки мулоқот амалга оширилмаган.
Шоҳжаҳон Мажид
Zamon.uz мухбири
