Эронда АҚШ ва Исроил зарбалари оқибатида 105 мингдан ортиқ фуқаролик объектларига зарар етди
Теҳрон шаҳрида эса 39 508 та турар жой ва тижорат биноларига шикаст етган.
АҚШ ва Исроил зарбалари натижасида Эрон ҳудудида зарар кўрган фуқаролик объектлари сони 105 мингдан ошди. Бу ҳақда Point хабар берди.
Тақдим этилган статистикага кўра, ҳудудларда жами 105 325 та фуқаролик объектига зарар етган бўлиб, шундан 83 351 таси турар жой биноларидир.
Пойтахт — Теҳрон шаҳрида эса 39 508 та турар жой ва тижорат биноларига шикаст етган.
Шунингдек, зарбалар оқибатида 297 та тиббиёт ва даволаш муассасаси, 600 та мактаб, Қизил Ярим Ой жамиятининг 18 та маркази, 48 та тез ёрдам машинаси ҳамда санитария авиациясига тегишли 3 та вертолёт зарарлангани маълум қилинди.
