Фарғонада ота фарзандига 84 млн алимент тўлади
Шу тариқа эркак 18 ёшгача бўлган алимент мажбуриятини олдиндан тўлиқ бажарган.
Фуқаролик ишлари бўйича Риштон туманлараро судининг 2018 йил 30 августдаги қарорига мувофиқ, қарздор С.Н.дан ундирувчи С.С. фойдасига фарзандлари таъминоти учун алимент тўлаш белгиланган эди.
Ижро жараёнлари давомида қарздор томонидан фарзандлари вояга етгунига қадар тўланиши лозим бўлган алимент маблағлари олдиндан тўлиқ қоплаб берилди. Жами 7000 АҚШ доллари, яъни 84 миллион 700 минг сўм миқдоридаги пул маблағлари ундирувчига ўтказилди.
Мазкур ҳолатда қарздор ўз зиммасидаги мажбуриятни тўлиқ бажарди ва ижро ҳужжати белгиланган тартибда якунланди.
Фарзанд таъминоти масаласига масъулият билан ёндашиш ҳар бир ота-онанинг муҳим бурчи ҳисобланади.
