Нукусда 6000 та пиротехника воситалари йўқ қилинди
Шунингдек, ижро ҳаракатлари давомида 363 та дори воситалари ҳам йўқ қилинган.
Мажбурий ижро бюроси Нукус шаҳар бўлими иш юритувида мавжуд бўлган, Жиноят ишлари бўйича судларнинг қарорларига асосан Давлат божхона қўмитасининг Қорақалпоғистон Республикаси бошқармаси ходимлари томонидан олиб қўйилган жами 6 088 та перотехника воситаларни йўқ қилиш белгиланган эди.
Ушбу суд қарори ижросини таъминлаш мақсадида Бюронинг Қорақалпоғистон Республикаси бошқармаси ва Нукус шаҳар бўлими ходимлари томонидан олиб борилган ижро ҳаракатлари натижасида йўқ қилиниши белгиланган пиротехникалар тегишли идоралар ходимлари иштирокида жорий йилнинг 07 февраль куни йўқ қилиниб, суд қарорлари ижроси амалда таъминланди.
Бундан ташқари, шу куннинг ўзида инсон соғлигига зарарли бўлиши мумкин бўлган 363 та дори воситалари ҳам йўқ қилинди.
