Жиззахда солиқ қарзи сабаб мини-стадион хатланди

Солиқларни ўз вақтида тўлаш мамлакат иқтисодий барқарорлиги ва ривожининг муҳим омилларидан бири ҳисобланади. Солиқ қонунчилиги талабларига риоя этмаслик эса тегишли ҳуқуқий чоралар қўлланилишига олиб келади.

 

Мажбурий ижро бюросининг Зомин тумани бўлими иш юритувига “M.M” МЧЖдан солиқ қарздорлигини ундириш тўғрисидаги ижро ҳужжатлари келиб тушган.

 

Олиб борилган ижро ҳаракатлари давомида давлат ижрочилари томонидан қарздорга тегишли бўлган нотурар бино ва мини-стадион қарздорлик ҳисобига хатловга олинди.

 

Маълум қилинишича, мазкур мулк амалдаги қонунчиликка мувофиқ электрон онлайн-аукцион савдоларига чиқарилиб, сотувдан тушган маблағлар ҳисобидан солиқ қарздорлиги қопланади.