Қашқадарёда 9 мингдан ортиқ фуқаронинг уй-жойига эгалик ҳуқуқи тан олинди
Бугунги кунга қадар 100 мингдан ортиқ кўчмас мулк объектлари хатловдан ўтказилган.
Қашқадарё вилоятида олиб борилаётган хатлов ишлари натижасида 9 223 нафар фуқаронинг уй-жойига эгалик ҳуқуқи расман тан олинди.
Маълум қилинишича, Касби туманида 1199 та, Қамаши туманида 1167 та, Нишон туманида 1116 та ҳамда Ғузор туманида 911 та уй-жой бўйича фуқароларнинг эгалик ҳуқуқи тан олинган.
Мазкур ишлар Давлат кадастрлари палатасининг вилоят бошқармаси ва унинг ҳудудий филиаллари томонидан ЎРҚ-937-сонли қонун ижроси доирасида амалга оширилмоқда. Бугунги кунга қадар 100 мингдан ортиқ кўчмас мулк объектлари хатловдан ўтказилиб, ягона электрон базада шакллантирилмоқда.
Натижада фуқаролар ўз уй-жойларини тўлиқ қонуний асосда расмийлаштириш имкониятига эга бўлмоқда.
Эндиликда улар ўз мулкига эгалик ҳуқуқини мустаҳкамлаб, уни эркин тасарруф этиш — сотиш, ҳадъя қилиш, мерос қолдириш ёки банкка гаров сифатида қўйиш имкониятига эга бўлишади.
