Трамп НАТОдан чиқиш масаласини кўриб чиқаётганини маълум қилди

 

Доналд Трамп НАТО иттифоқчилари Эронга қарши ҳарбий операцияда АҚШни қўллаб-қувватлашдан бош тортгани сабабли АҚШнинг альянсдан чиқиш масаласини жиддий кўриб чиқаётганини маълум қилди. Бу ҳақда The Telegraph нашри хабар берди.

 

Трампнинг таъкидлашича, НАТО аъзолари унинг қарорларига амалда таъсир ўтказа олмаган ва у альянсни “қоғоз йўлбарс” деб баҳолаган.

 

АҚШ президенти, шунингдек, бу ҳолат Владимир Путинга ҳам яхши маълум эканини айтган.

 

1 апрель куни Марко Рубио Fox News телеканалига берган интервьюсида НАТО иттифоқчилари Эронга қарши ҳарбий операцияда АҚШга ёрдам беришдан бош тортганига изоҳ берган. Унинг фикрича, бу вазият Вашингтонни альянснинг амалдаги ролини қайта кўриб чиқишга ундамоқда.

 

Рубио АҚШ ўз манфаатларини ҳимоя қилиш жараёнида НАТОга аъзо давлатлар ҳудудидаги ҳарбий базалардан тўлиқ фойдалана олмаётганини таъкидлаб, альянсни “бир томонлама ҳаракат қилувчи тизим” сифатида баҳолаган. Унинг сўзларига кўра, АҚШ қўшинлари Европада қитъа хавфсизлигини таъминлаш мақсадида жойлаштирилган бўлсада, Вашингтон етарли даражада қўллаб-қувватлашни кўрмаяпти.

 

Шунингдек, Трамп НАТО давлатларидан ёрдам кутаётганини билдириб, айрим масалаларда иттифоқчилар автоматик равишда АҚШни қўллаб-қувватлаши керак бўлганини таъкидлаган.