Франция Президенти Трампнинг танқидларига жавоб берди
Макрон АҚШ Эронга қарши ҳарбий амалиёт бошлашдан олдин Франция билан келишмаганини айтди.
Франция президенти Эммануэл Макрон АҚШ раҳбари Доналд Трампнинг Парижнинг Яқин Шарқдаги ҳаракатларни етарли даражада қўллаб-қувватламаётгани ҳақидаги танқидларига муносабат билдирди.
Аввалроқ Трамп Франция Исроилга йўналтирилган ҳарбий техника ортилганЕронгаолётларнинг ўз ҳудуди орқали учишига рухсат бермаганидан норози бўлган эди.
Макрон эса АҚШ Эрон қарши ҳарбий операцияларни бошлашдан олдин Франция билан маслаҳатлашмаганини таъкидлаб, мамлакат ушбу ҳаракатларда иштирок этмаётганини маълум қилди.
“Франция ушбу операция иштирокчиси эмас ва у билан маслаҳатлашувлар ўтказилмаган. Шу сабабли унда қатнашмаслиги табиий ҳолат. Бу бошидан шундай бўлган”, — деди у Токиодаги ташрифи давомида.
Франция раҳбари можаро томонларини кескинликни камайтириш ва музокараларни қайта тиклашга чақирди. Унинг сўзларига кўра, узоқ давом этган бомбардимонлардан кейин аниқ сиёсий ечим таклиф қилинмаслиги минтақа барқарорлигига салбий таъсир кўрсатади.
Шунингдек, Макрон Франция ва Япония бошқа давлатлар билан биргаликда Ҳўрмуз бўғози орқали хавфсиз транзитни таъминлашда муайян роль ўйнаши мумкинлигини қайд этди. У бунда ҳарбий чоралар назарда тутилмаётганини алоҳида таъкидлади.
