Трамп Эронни тош асрига қайтаришга ваъда берди
АҚШ етакчиси келгуси икки-уч ҳафта ичида Эронга кучли зарбалар берилишини маълум қилди.
Қўшма Штатлар президенти халққа мурожаатида АҚШ ҳарбийлари Ислом Республикаси билан урушда ўз олдига қўйилган вазифаларни деярли тўлиқ бажарганини ва бу уруш тез орада якунланишини айтди.
“Биз бу учун ҳамма ишни қилдик. Уларнинг флоти йўқ қилинди. Ҳарбий-ҳаво кучлари яксон этилди. Уларнинг ракеталари деярли тугади, ишдан чиқарилди. Буларнинг барчаси Эрон армиясининг кучини сусайтиради, уларни террорчи гуруҳларни қўллаб-қувватлаш имкониятидан маҳрум қилади ҳамда ядровий бомба яратиш салоҳиятини йўққа чиқаради”, — деди Трамп.
“Келгуси икки-уч ҳафта ичида уларга ниҳоятда кучли зарбалар берамиз. Биз уларни айнан ўзларига муносиб бўлган тош асрига қайтарамиз”, — дея қўшимча қилди у.
Оқ уй раҳбари, шунингдек, Эронда режим алмашинуви АҚШнинг мақсади бўлмаганини таъкидлади.
