Ўзбекистоннинг тоғли ҳудудларида қор кўчиш хавфи эълон қилинди
4–8 апрель кунлари ёғингарчилик ва ҳаво ҳароратининг ўзгариши кутилмоқда.
4–8 апрель кунлари кутилаётган ёғингарчилик ва ҳаво ҳароратининг ўзгариши муносабати билан республиканинг қатор тоғли ҳудудларида қор кўчиш хавфи эълон қилинди. Бу ҳақда “Ўзгидромет” хабар берди.
Маълум қилинишича, денгиз сатҳидан 2000 метрдан юқори ҳудудларда қор кўчиш хавфи сақланиб қолади, шу жумладан:
• Қашқадарё вилояти: Китоб, Шаҳрисабз туманларида;
• Сурхондарё вилояти: Бойсун, Сариосиё, Узун туманларида;
• Самарқанд вилояти: Самарқанд, Ургут туманларида;
• Жиззах вилояти: Бахмал, Зомин туманларида;
• Тошкент вилояти: Бўстонлиқ, Паркент, Оҳангарон туманлари (Чотқол тизмаси тоғлари);
• Наманган вилояти: Поп туманида қор кўчиш хавфи эълон қилинади.
Мутахассислар тоғли ҳудудларда истиқомат қилувчи аҳоли, дам олувчилар ва ушбу ҳудудларда ҳаракатланувчи ҳайдовчиларни эҳтиёткор бўлишга чақирмоқда.
