АҚШ–Исроил ва Эрон уруши давом этмоқда: қурбонлар сони ортмоқда

АҚШ-Исроил ва Эрон уруши оқибатида Эронда 1 937 киши ҳалок бўлган, Исроилда камида 24 киши, АҚШ ҳарбийларидан 13 нафар, Форс кўрфази давлатларида эса 27 киши ҳалок бўлган. Бу ҳақда Al Jazeera хабар бермоқда.

 

АҚШ ва Исроил томонидан Эронга қарши 28 февраль куни бошланган ҳарбий амалиётлар 34-кун давом этмоқда. Можаро кенгайиб, Яқин Шарқнинг бир қатор давлатларини қамраб олган.

 

Дастлабки маълумотларга кўра, Эронда 1 937 киши ҳалок бўлган, 24 800 дан ортиқ киши яраланган. Қурбонлар орасида 240 нафар аёл ва 212 нафар бола бор, улар орасидаги энг кичик қурбон — 8 ойлик чақалоқ, энг каттаси эса 88 ёшли киши.

 

Исроилда камида 24 киши ҳалок бўлган, 6 239 киши жароҳатланган. Димона ва Арад ҳудудларига берилган ҳужумларда камида 180 киши жароҳат олган. Ливан жанубида олиб борилган қуруқлик амалиётлари давомида 10 нафар Исроил аскари ҳалок бўлган.

 

АҚШ ҳарбийлари орасида 13 киши ҳалок бўлган, 200 киши яраланган. Шу жумладан 13 март куни Ироқ ғарбидаги ёқилғи қуйиш самолёти ҳалокати натижасида барча 6 экипаж аъзоси вафот этган.

 

Форс кўрфази давлатларидаги ҳужумлар оқибатида:

 

• Баҳрайн: 3 киши ҳалок бўлган, ўнлаб жароҳатланган;

 

• Ироқ: камида 108 киши ҳалок бўлган;

 

• Иордания: ҳалок бўлганлар йўқ, 29 киши яраланган;

 

• Kувайт: 7 киши ҳалок бўлган;

 

• БАА: 12 киши ҳалок бўлган, 190 киши яраланган;

 

• Уммон: 3 киши ҳалок бўлган, 15 киши яраланган;

 

• Қатар: ҳалок бўлганлар йўқ, 16 киши жароҳатланган;

 

• Саудия Арабистони: 2 киши ҳалок бўлган, 22 киши яраланган;

 

• Ливан: 1 318 киши ҳалок бўлган, 3 935 киши яраланган;

 

Шунингдек, Ливан Соғлиқни сақлаш вазирлиги маълумотига кўра, мамлакатда 1 миллиондан ортиқ киши кўчирилган. Қурбонлар орасида камида 125 нафар бола бор.