АҚШнинг яна бир F-35 самолёти уриб туширилгани маълум қилинди
Учувчи кучли портлаш туфайли самолётни ташлаб чиқа олмаган.
Ислом инқилоби қўриқчилари корпуси Эрон ҳаво ҳудудида АҚШга тегишли F-35 қирувчи самолёти йўқ қилинганини маълум қилди.
“Ҳотам ал-Анбия” марказий ҳарбий қўмондонлиги штабига кўра, самолёт ҳаво ҳужумидан мудофаа воситалари томонидан нишонга олинган.
Шунингдек, учувчи кучли портлаш туфайли самолётни ташлаб чиқа олмагани айтилмоқда.
Штаб бу ҳарбий операция бошланганидан буён Эрон кучлари томонидан уриб туширилган АҚШга тегишли иккинчи F-35 самолёти ҳисобланишини билдирган.
Аввалроқ, 19 март куни Ислом инқилоби қўриқчилари корпуси АҚШ ҳарбий самолётига ҳужум қилинганини хабар қилган эди. Ўшанда корпус F-35 “жиддий зарар кўрганини” айтган, учувчи фавқулодда қўнишга муваффақ бўлган. Кейинчалик Пентагон ушбу маълумотни тасдиқлаган.
