Форс кўрфазидаги кемаларга ҳужум қилиниши оқибатида 10 нафар денгизчи ҳалок бўлган — IMO
Ҳўрмуз боғозида ҳаракат чеклангани туфайли 20 мингдан ортиқ денгизчи кемаларда қолиб кетган.
Ҳормуз бўғози орқали кемалар ҳаракатининг кескин чекланиши фонида Форс кўрфазида минглаб денгизчилар оғир шароитда қолмоқда. Бу ҳақда Халқаро денгиз ташкилотига (IMO) таяниб, BBC маълум қилди.
Қайд этилишича, ҳозирда Эрон ва Уммон ўртасидаги тор сув йўлагидан ўтишни кутаётган қарийб 2000 та кемада 20 мингдан ортиқ денгизчи қолиб кетган. Улар Форс кўрфази давлатлари яқинидаги сувларда лангар ташлаб турибди.
Можаро бошланганидан буён ҳудудда тижорат кемаларига нисбатан 21 та ҳужум қайд этилган. ИМО маълумотига кўра, ушбу ҳужумлар оқибатида 10 нафар денгизчи ҳалок бўлган, яна бир неча киши оғир жароҳат олган. Ташкилот экипажлар озиқ-овқат ва зарур таъминотлар танқислиги, чарчоқ ҳамда кучли руҳий босим билан юзлашаётганини билдирган.
Халқаро денгиз ташкилоти бош котиби Арсенио Домингес мавжуд вазиятга нисбатан парчаланган ёндашувлар етарли эмаслигини таъкидлаб, денгизчиларни эвакуация қилиш ва зарур ёрдамни етказиш учун гуманитар йўлаклар ташкил этиш юзасидан халқаро ҳамжамиятни дипломатик чораларни кучайтиришга чақирди.
