Путин ва Эрдоған Форс кўрфази ва Украина атрофидаги вазиятни муҳокама қилди

 

Россия президенти Владимир Путин ва Туркия президенти Ражаб Тоййиб Эрдоған телефон орқали суҳбатлашиб, Яқин Шарқдаги, хусусан Форс кўрфази минтақасидаги ва Украинадаги вазиятни муҳокама қилишди, деб хабар берди Кремль матбуот хизмати.

 

Баёнотга кўра, суҳбат чоғида Форс кўрфази ҳудудида ҳарбий ва сиёсий қарама-қаршиликнинг кучайиши, кучли ҳарбий ҳаракатлар эса нафақат минтақавий, балки глобал миқёсда, жумладан энергетика, савдо ва логистика соҳаларида салбий оқибатларга олиб келаётгани таъкидланган. Раҳбарлар минтақадаги барча давлатларнинг қонуний манфаатларини ҳисобга олган ҳолда зудлик билан сулҳ ва муросага келувчи тинчлик келишувларини ишлаб чиқиш заруратини эътироф этдилар.

 

Украина атрофидаги вазиятни муҳокама қилишда Путин Эрдоғанга тегишли музокаралар жараёнини ўтказишга доимий тайёрлиги учун миннатдорчилик билдириб, Қора денгиздаги хавфсизликни таъминлаш бўйича мувофиқлаштирилган чора-тадбирларнинг аҳамияти таъкидланган. Шунингдек, Киев режимининг Россия ва Туркияни боғловчи газ транспорти инфратузилмаси ва Қора денгиздаги савдо кемаларига ҳужум қилишга уринишлари ҳисобга олинган.

 

Матбуот хизмати хабар беришича, телефон орқали суҳбат Туркия томонининг ташаббуси билан бўлиб ўтган. Шунингдек, Россия ва Туркия раҳбарлари сиёсий, савдо ва иқтисодий алоқаларни кенгайтириш, хусусан энергетика соҳасидаги қўшма стратегик лойиҳаларни амалга ошириш истиқболлари бўйича ҳам фикр алмашган.