Республикачи сенаторлар Трампнинг NATO'дан чиқиш режасига қатъий қаршилик билдирди
Сенаторлар АҚШнинг NATO'дан чиқиши Россия ва Хитой манфаатларига хизмат қилишини айтмоқда.
АҚШда бир гуруҳ республикачи сенаторлар Доналд Трампнинг NATO'дан чиқиш эҳтимоли ҳақидаги баёнотларига қарши чиқди. Бу ҳақда The Guardian хабар берди.
Уларнинг таъкидлашича, бундай қадам мамлакат миллий хавфсизлигига жиддий таҳдид туғдиради ҳамда АҚШнинг иттифоқчилар билан муносабатларига салбий таъсир кўрсатади.
Республикачи сенаторлар Мич Макконнелл ва Том Тиллис, шунингдек демократ сенаторлар билан бирга, NATO'нинг АҚШ учун стратегик аҳамиятини қайд этди. Уларнинг баёнотида альянс 2001 йил 11 сентябрь воқеаларидан сўнг АҚШни қўллаб-қувватлагани, иттифоқчи давлатлар аскарлари Афғонистонда америкалик ҳарбийлар билан бирга жанг қилгани эслатиб ўтилди.
Сенаторлар, жумладан Жанна Шаҳин, NATO'дан чиқиш эҳтимоли АҚШнинг геосиёсий рақиблари — Владимир Путин ва Си Жинпиннинг манфаатларига хизмат қилишини таъкидлади.
Аввалроқ Доналд Трамп Reuters ва The Telegraph нашрларига берган интервьюларида АҚШнинг НАТОдан чиқиши аниқ бўлиб қолганини билдирган эди.
Қонунчиликка кўра, АҚШ президентининг NATO'дан чиқиши осон эмас. 2024 йилда қабул қилинган қонун асосида бундай қарор Сенатнинг камида учдан икки қисми ёки Конгресс тасдиғини талаб қилади.
Трампнинг бу борадаги баёнотлари республикачилар орасида ҳам келишмовчиликларни юзага келтирган. Хусусан, Том Тиллис қайта сайловларда иштирок этмаслигини билдирган бўлса, Мич Макконнелл узоқ йиллик фаолиятидан сўнг сиёсатдан кетишини эълон қилган.
