Сирдарёда солиқ қарзи эвазига электромобил хатланди
Ҳозирда хатланган мулкни баҳолаш ва аукцион савдосига чиқариш чоралари кўрилмоқда.
Сирдарё вилояти Солиқ бошқармасининг қарорларига асосан Гулистон туманидан жойлашган қарздор “D.А.F” корхонасидан жами 123,5 млн сўм солиқ қарзини ундириш тўғрисидаги 9 та ижро ҳужжатлари бўйича Мажбурий ижро бюросининг Гулистон туман бўлими томонидан ижро ҳаракатлари олиб борилган.
Ижро ҳужжатлари талабини ихтиёрий равишда бажариш юзасидан қарздорга муддат берилиб, бажармаслик оқибатлари тушунтирилган.
Бироқ, белгиланган муддатда қарздорлик бартараф этилмаганлиги сабабли, қарздор корхонага тегишли “BYD” русумли электромобил хатланиб, жарима майдонига жойлаштирилган.
Ҳозирда хатланган мулкни баҳолаш ва аукцион савдосига чиқариш чоралари кўрилмоқда.
