Ўзбекистонда уч ой ичида 196 млрд сўмлик газ ва электр энергияси талон-торож қилинди

Ўзбекистонда 2026 йилининг I чорагида энергия ресурсларидан ноқонуний фойдаланиш ва қоидабузарлик билан боғлиқ 885 та ҳолати аниқланди. Бу ҳақда “Ўзенергоинспексия” матбуот хизмати хабар берди.

 

Маълум қилинишича текширувлар давомида 34,6 млн метр куб табиий газ (101,6 млрд сўм) ва 49,7 млн киловатт-соат электр энергиясидан (94,4 млрд сўм) ноқонуний фойдаланилиши натижасида давлат манфаатларига  жами 196 миллиард сўм зарар етказилганлиги қайд этилган. 

 

Шунингдек, истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарликлар бўйича 1 599 та маъмурий баённомалар расмийлаштирилди.  

 

Нефть маҳсулотлари бўйича олиб борилган сифат назорати тадбирларида АЁҚШ ва корхоналардан олинган таҳлил намуналаридан 180 та ҳолатда  4 058 тонна нефть маҳсулоти сифатсизлиги аниқланиб, сотувга чиқарилиши олди олинди.  

 

Шунингдек, ёқилғи-энергия ресурсларидан самарали ва оқилона фойдаланиш бўйича 8 минг 344 та истеъмолчилар билан профилактика тадбири ўтказилди. Қуввати 50 кW ва ундан юқори бўлган истеъмолчиларга берилган кўрсатмалар давомида 2 293 та истеъмолчида реактив энергиясини компенсация қилиш бўйича қурилмаларни ўрнатилиши таъминланди. 

 

Бунинг натижасида 19,4 млн киловатт-соат электр энергияси иқтисод қилинишига эришилди.  Берилган кўрсатмаларни бажармаган 11 та истеъмолчига маъмурий баённома тузилган.