Эрон айрим кемаларга Ҳормуз бўғозидан ўтишига рухсат берди
Кемалар махсус протоколлар ва белгиланган қоидаларга риоя қилган ҳолда бўғоздан ўтади.
Эрон ҳукумати гуманитар ёрдам ва ҳаётий зарурий товарларни ташийдиган кемаларнинг Ҳормуз бўғозидан Эрон портларига хавфсиз ўтишини тасдиқлади. Бу ҳақда Tasnim ахборот агентлиги хабар берди.
Эрон Қишлоқ хўжалиги вазирлиги баёнотида айтилишига кўра, гуманитар ва озиқ-овқат юкларини олиб кетаётган кемалар махсус протоколлар ва белгиланган қоидаларга риоя қилган ҳолда бўғоздан ўтиши мумкин. Ҳужжатда, шу жумладан, ҳозир Уммон кўрфазида бўлган кемалар ҳаракати ҳам расмийлар билан мувофиқлаштирилиши кераклиги қайд этилган.
Эслатиб ўтамиз, 28 феврал куни АҚШ ва Исроил томонидан Эронга ҳаво ҳужумларидан сўнг, Теҳрон Ҳормуз бўғозини амалда ёпган эди. Шу билан бирга, ушбу бўғоз дунё нефть ва газ таъминотининг бешдан бир қисмини ташкил қилиши сабабли, унинг қайта очилиши глобал энергетика барқарорлиги учун муҳим аҳамиятга эга.
Эрон ҳукумати ва қўрқли кучлари транзитни тасдиқлаб, зарур барча хавфсизлик чоралари ва протоколларни ишлаб чиқди. Шу тариқа, гуманитар юкларни ташийдиган кемалар хавфсиз равишда Эрон портларига етиб бориши таъминланади.
