Трамп “Алкатраз” қамоқхонасини қайта очмоқчи

АҚШ президенти Доналд Трамп собиқ Алкатраз oролидаги “Алкатрас” қамоқхонасини қайта тиклаш учун Конгрессдан 152 миллион доллар ажратишни сўради. Бу ҳақда Оқ уй томонидан эълон қилинган 2027 йилги бюджет лойиҳасига таяниб, DW хабар бермоқда.

 

Маълум қилинишича, ҳужжат ҳали АҚШ Конгресси томонидан тасдиқланиши лозим. Режага мувофиқ ҳозирда сайёҳлик маскани сифатида фаолият юритаётган собиқ федерал қамоқхона мамлакатдаги энг замонавий жазони ўташ муассасалардан бирига айлантирилади. Мутахассислар таъмирлаш ишларининг умумий қийматини 2 миллиард долларгача баҳоламоқда.

 

Маълумотларга кўра, Доналд Трамп 2025 йил май ойида “Алкатрас”ни яна ишга тушириш бўйича фармон берган. Мазкур муассасада оғир жиноятлар содир этган шахслар сақланиши режалаштирилган. Президент бу ташаббусни “қонун ва тартиб рамзи” сифатида изоҳлаган.

 

“Алкатраз” қамоқхонаси 1934–1963 йилларда фаолият юритган бўлиб, АҚШдаги энг машҳур ва қатъий тартибли қамоқхоналардан бири сифатида танилган. У Сан-Франсиско кўрфазидаги оролда жойлашган бўлиб, қочиб кетиш деярли имконсиз ҳисобланган. Бу ерда, жумладан, машҳур гангстер Ал Капоне ҳам жазо ўтаган. 1972 йилдан буён эса мазкур объект музей сифатида фаолият юритиб келмоқда.

 

Қамоқхонанинг ёпилишига асосий сабаб сифатида уни сақлаш харажатларининг юқорилиги кўрсатилади. Хусусан, озиқ-овқат маҳсулотларини оролга сув орқали етказиш зарур бўлган. Бундан ташқари, денгиз иқлими биноларнинг тез эскиришига олиб келган.