Азов денгизида буғдой ортилган кема ҳалокатга учради
Кемага дронлар зарба бергани айтилмоқда.
Азов денгизида буғдой юкланган “Волго-Балт” туридаги қуруқ юк кемаси ҳалокатга учради. Дастлабки маълумотларга кўра, ҳодиса оқибатида камида икки киши ҳалок бўлган.
Маълум қилинишича, воқеа Керчдан тахминан 300 денгиз мили шимолда содир бўлган. Айрим манбалар кемага дронлар ҳужуми амалга оширилганини билдирган. Бироқ, айнан шу ҳужум ҳалокатга сабаб бўлганми ёки дронлар аллақачон чўкаётган кемага зарба берганми — ҳозирча аниқ эмас.
Россия томонидан тайинланган Херсон вилояти раҳбари Владимир Сальдо маълумотига кўра, ҳодиса оқибатида 1991 йилда туғилган капитан ёрдамчиси ҳалок бўлган, яна икки киши бедарак йўқолган. Тўққиз нафар экипаж аъзоси эса кемани тарк этиб, қутқарув капсуласи орқали соҳилга етиб келган.
Маълум қилинишича, улар Херсон вилоятидаги Счастливтсево қишлоғи яқинига чиқиб, маҳаллий аҳоли томонидан биринчи тиббий ёрдам олган. Соҳилга етиб келганлардан бири эса аллақачон вафот этгани аниқланган.
