Бугун кечқурун бутун цивилизация йўқ бўлиши мумкин — Трамп Эронга сўнгги огоҳлантириш берди
АҚШ президенти Эронни Ҳормуз бўғозини очиш ва тинчлик шартномасини тузиш талабларини бажаришга чақирди,агар шартлар бажарилмаса ҳалокатли оқибатлар юзага келиши мумкинлигини огоҳлантирди.
АҚШ президенти Доналд Трамп Эрон ҳукуматига сўнгги огоҳлантириш берди. Оқ уй раҳбари ижтимоий тармоқ Truth Social орқали, агар Эрон АҚШ талаб қилган Ҳормуз бўғозини очиш ва тинчлик шартномасини тузиш шартларини бажармаса, юзага келиши мумкин бўлган ҳалокатли оқибатлар ҳақида огоҳлантирди.
АҚШ маъмурияти томонидан белгиланган муддат 7 апрель куни Вашингтон вақти билан 20:00 да тугайди. Трамп шартлар бажарилмаса, Эроннинг кўприклари ва энергетика инфратузилмасига кучли зарба берилиши билан таҳдид қилди.
Трампнинг сўзларига кўра: “Бугун кечқурун бутун бир цивилизация йўқ бўлиб кетади, ҳеч қачон қайта тикланмайди. Мен бундай бўлишини истамайман, лекин эҳтимол шундай бўлади”. Шу билан бирга у келажакда режим ўзгариши ва инқилобий жараёнлар содир бўлиши мумкинлигини ҳам қайд этди.
Унинг айтишича, агар Эрон белгиланган шартларни бажармаса, АҚШ қуролли кучлари Эрон инфратузилмаси, жумладан кўприклар, электр станциялари ва бошқа объектларга қарши зарбалар бериши мумкин. Эрон ҳукумати эса бундай таҳдидларни қатъий рад этиб, суверенликни ҳимоя қилишга тайёр эканини билдирган .
