Исроилдаги Ўзбекистон фуқароларига хавфсизлик чораларини кучайтириш тавсия қилинди
Элчихона ватандошларни ҳаво ҳужуми сигнализацияси ва расмий кўрсатмаларга қатъий риоя қилишлари лозимлигини таъкидлади.
Ўзбекистоннинг Исроилдаги элчихонаси мамлакатдаги хавфсизлик вазиятининг ёмонлашиши эҳтимоли юзасидан ватандошларига расмий мурожаат қилди. Элчихона барча Ўзбекистон фуқароларини Исроил Ички фронт қўмондонлигининг кўрсатмаларига қатъий риоя қилишга чақирди.
Баёнотда шунингдек, ватандошлар учун қуйидаги тавсиялар берилган:
- Ҳар доим бошпаналарга яқин бўлиш;
- Ҳаво ҳужуми сигнализацияси ёки сирена чалинганда хавфсиз жойга ўтиш;
- Ички фронт қўмондонлигининг расмий рухсати бўлмагунча бошпанадан чиқмаслик;
- Расмий эълонлар ва фавқулодда вазиятлар бўйича кўрсатмалардан хабардор бўлиш.
Шошилинч мурожаатлар учун Ўзбекистон элчихонаси қуйидаги телефон рақамлари орқали фаолият юритмоқда: 03-672-2466, 03-672-2371, 03-758-5075 ва 03-758-5076. Фавқулодда ва тезкор вазиятларда +972 54-4851397 рақамига қўнғироқ қилиш мумкин. Шунингдек, мурожаатлар il.uzembassy@mfa.uz электрон почта манзили орқали ҳам қабул қилинади.
Элчихона барча ватандошларни хавфсизлик чораларига қатъий риоя қилишга чақиради ва вазиятни диққат билан кузатиб боради.
