Истанбулдаги Исроил консулхонаси яқинида отишма содир бўлди
Отишмани содир этган шахсларнинг 2 нафари ҳалок бўлди.
Истанбулда жойлашган Исроил консулхонаси биноси ташқарисида полиция ва ҳужумчилар ўртасида узоқ давом этган отишмада икки нафар ҳужумчи ўлдирилди, яна бири оғир яраланди. Бу ҳақда Reuters хабар берди.
Reuters томонидан эълон қилган видеокадрларда отишма овози эшитилгач, полициячи қуролини чиқариб пана жойга яширингани ва воқеа жойида яраланган шахс акс этган.
Reuters қўлга киритган бошқа видеоларда эса гумонланувчи ҳужумчи оқ рангли полиция ва хавфсизлик автобуслари орасида ҳаракатланиб, бир неча дақиқа давомида автомат қурол ва тўппонча билан ўқ узгани акс этган. Яқин атрофдаги кўчада ва яшил ҳудудда иккита жасад ётгани қайд этилган.
ОАВлар хабар беришича, мазкур ҳодиса натижасида икки нафар полиция ходими ҳам жароҳат олган. Ҳодиса Истанбулнинг молиявий туманида жойлашган Исроил консулхонаси жойлашган минора биноси ёнида содир бўлган.
2023 йилда ҲАМАС-Исроил уруши бошланганидан бери, Исроил консуллиги яқинидаги ҳудудда қуролланган полиция кучлари сақланиб қолган.
Вазиятдан хабардор манбанинг айтишича, ҳозирда Туркияда Исроил дипломатлари йўқ.
