Йил бошидан бери туризм ва умумий овқатланиш соҳаларига қайтарилган ҚҚС маълум қилинди
Қайтарилган ҚҚСнинг асосий улуши умумий овқатланиш корхонасига тўғри келди.
Жорий йил бошидан 32,3 млрд сўм ҚҚС туризм, умумий овқатланиш ва айрим қишлоқ хўжалиги корхоналарига қайтарилди. Бу ҳақда Солиқ қўмитаси маълум қилди.
Қайд этилишича, бюджетга тўланган ҚҚСнинг бир қисми туризм, умумий овқатланиш ва айрим қишлоқ хўжалиги соҳаларидаги тадбиркорларга қайтарилди.
2026 йил 6 апрель ҳолатига кўра:
• 15 та туроператорга – 273,1 млн сўм;
• 99 та меҳмонхонага – 1,6 млрд сўм;
• 587 та умумий овқатланиш корхонасига – 25,6 млрд сўм;
• 28 та чорвачилик ва паррандачилик хўжаликларига – 1,1 млрд сўм;
• 111 та заргарлик корхоналарига - 3,7 млрд сўм ҚҚС ажратилган.
Қўшилган қиймат солиғи тадбиркорликни қўллаб-қувватлаш ва солиқ юкини камайтириш мақсадида қайтарилмоқда.
