Мужтабо Хоманаий ҳушсиз ҳолатда — The Times

Эроннинг янги олий раҳбари Мужтабо Хоманаий айни дамда ҳушсиз ҳолатда бўлиб, мустақил қарор қабул қила олмайди. Бу ҳақда The Times нашри АҚШ ва Исроил разведка хизматлари маълумотларига таяниб хабар бермоқда.

 

Маълум қилинишича, Мужтабо Хоманаий ҳозирда Қум шаҳрида даволанаётганмоқда ва ҳукумат қарорларида иштирок эта олмаяпти.

 

Хабарга кўра, бу АҚШ ва Исроил ҳарбий операцияси бошлангандан бери Хоманаийнинг қаерда эканлиги ҳақидаги биринчи очиқланган маълумотдир. Лекин АҚШ ва Исроил разведкаси Мужтабо Хоманаийнинг қаерда эканлигини аллақачон билган. 

 

Тахминларга кўра, Мужтабо Хоманаий 28 февраль кунги илк зарбалар оқибатида оғир яраланган ва ўшандан бери омма олдида кўриниш бермаган. 

 

Ҳозирча Эрон расмийлари бу хабарни тасдиқламаган ҳам,рад ҳам этмаган.

 

Шунингдек, дипломатик қайдда Эроннинг собиқ олий раҳбари, марҳум Али Хоманаийни Қум шаҳрида дафн этишга тайёргарлик кўрилаётгани келтирилган.