Андижонда аёл ҳайдовчи болаларни босиб кетди
Ҳайдовчи эътиборсизлик оқибатида йўл четида ўйнаб турган болаларни кўрмай қолган.
Ижтимоий тармоқларда Андижонда Cobalt ҳайдовчисининг йўлакда турган болаларни уриб юборгани акс этган видеолар тарқалди. Мазкур ҳодиса юзасидан Андижон вилояти ИИБ расмий маълумот берди.
Маълум қилинишича, ҳодиса 2026 йил 3 апрель куни соат 18:47ларда Андижон шаҳридаги “Ҳамдўстлик” МФЙ Мустақиллик кўчасида содир бўлган. 1995 йилда туғилган ҳайдовчи Д.М. Cobalt русумли автомашинада ҳаракатланиб келаётиб, эътиборсизлик оқибатида йўл четида турган 2 нафар вояга етмаган болани уриб юборган.
Ҳодиса оқибатида жабрланган болаларга биринчи тиббий ёрдам кўрсатилиб, шифокорлар кўригидан ўтказилган. Айни вақтда уларнинг соғлиғи яхши.
Мазкур ҳолат юзасидан Андижон шаҳар ИИОФМБ ЙҲХБ ходими томонидан содир этилган ЙТҲ бўйича ҳужжатлар расмийлаштирилиб, суриштирув ишлари олиб борилмоқда.
