Марказий банк Амир Темурнинг 690-йиллиги муносабати билан эсдалик тангаларни сотувга чиқарди
Тангалар 31,1 грамм оғирликда, коллекцион қийматга эга ва икки хил дизайнда тақдим этилган.
Ўзбекистон Марказий банки Амир Темурнинг таваллудининг 690-йиллиги муносабати билан эсдалик тангалар ва сувенир тўпламларини сотувга чиқарди.
31,1 грамм оғирликдаги тангалар икки хил дизайнда, 999,9 пробали олтин ва кумушдан тайёрланган.
Шунингдек, шу оғирликдаги учта тангадан иборат сувенир тўпламлари ҳам харидга тақдим этилган. Тангаларда Соҳибқирон Амир Темур тасвири ва «Темур тузуклари»дан иқтибослар ёиб ёзилган.
Марказий банк маълумотларига кўра, 9 апрел ҳолатига:
- Олтин танга (31,1 г) – сотув нархи 61 млн 426 минг сўм, қайта сотиб олиш нархи 57 млн 331 минг сўм;
- Кумуш танга (31,1 г) – сотув нархи 1 млн 875 минг сўм, қайта сотиб олиш нархи 919 минг сўм.
Қайд этилишича, кун давомида нархлар халқаро қимматбаҳо металлар бозорига қараб ўзгариши мумкин. Тангаларнинг нархи ва мавжудлиги ҳақидаги маълумотлар Марказий банкнинг расмий манбаларида ҳар куни янгиланиб борилади.
