Тошкентда Lacetti ва Kia тўқнашиб кетди
Вояга етмаган ҳайдовчи бошқарувидаги Lacetti қарама-қарши йўналишга чиқиб кетган.
Тошкент шаҳрида иккита автомобиль иштирокида ЙТҲ содир бўлди. Бу ҳақда пойтахт ЙҲХБ хабар берди.
Маълум қилинишича, ҳодида 9 апрель куни соат 03:30 атрофида Шайхонтоҳур тумани, Себзор кўчасида жойлашган “Ганга” кўприги устида юза берган. 2009 йилда туғилган, вояга етмаган фуқаро Lacetti русумли автомобилни бошқариб кетаётиб, руль бошқарувини йўқотган ҳамда қарама-қарши йўналишга чиқиб кетган.
Натижада у ўз йўналишида ҳаракатланиб келаётган, 2002 йилда туғилган ҳайдовчи бошқарувидаги Kia русумли автомобиль билан тўқнашган.
Йўл-транспорт ҳодисаси оқибатида Lacetti автомобили ҳайдовчиси ҳамда унинг 2 нафар йўловчисига шифокорлар томонидан биринчи тез тиббий ёрдам кўрсатилган.
Мазкур ҳолат юзасидан Тошкент шаҳар ИИББ ЙҲХБ томонидан терговга қадар текширув ишлари олиб борилмоқда.
