Юқори Чирчиқда 5 миллиард долларлик тиббиёт шаҳарчаси қурилади
Лойиҳа 400 гектар майдонда қурилиб, ҳудуд халқаро тиббиёт марказига айлантирилади.
Шавкат Мирзиёев раислигида ўтказилган йиғилишда Тошкент вилоятининг Юқори Чирчиқ туманида йирик инвестиция лойиҳаси — Tashkent Medical Smart City халқаро инновацион тиббиёт шаҳарчасини барпо этиш масаласи муҳокама қилинди.
Ўзбекистон Республикаси Соғлиқни сақлаш вазирлиги маълумотига кўра, қиймати 5 миллиард доллар бўлган лойиҳа 400 гектар майдонда амалга оширилади. У замонавий тиббий инфратузилма яратиш, илғор даволаш хизматларини жорий этиш ва ҳудудни халқаро тиббиёт марказига айлантиришни назарда тутади.
Йиғилишда, шунингдек, бошқа йирик ижтимоий ва инновацион ташаббуслар ҳам кўриб чиқилди.
Хусусан, Нурафшон шаҳрида 35,4 миллион долларлик Келажак технологиялари марказини ташкил этиш, 100 дан ортиқ хорижий IT компанияларни жалб қилиш ҳамда хизматлар экспорти ҳажмини йилига 20 миллион долларга етказиш режалари муҳокама қилинди.
Бундан ташқари, 670 ўринли кўп тармоқли тиббиёт кластери, ижтимоий муассасалар маркази ва вилоят давлат архиви биносини қуриш лойиҳалари ҳам кун тартибидан ўрин олди.
Йиғилиш давомида аҳоли мурожаатлари билан ишлаш, жамоат хавфсизлигини мустаҳкамлаш, “яшил иқтисодиёт”ни ривожлантириш ҳамда ёшларга оид сиёсат йўналишларидаги ишлар таҳлил қилинди.
Масъулларга ҳудуд салоҳиятидан самарали фойдаланиш, янги иш ўринлари яратиш, аҳоли даромадларини ошириш ва лойиҳаларнинг аниқ натижадорлигини таъминлаш бўйича топшириқлар берилди.
Шунингдек, Тошкент вилоятини камбағаллик ва ишсизликдан холи ҳудудга айлантириш устувор вазифа сифатида белгиланди. Йиғилишда таъкидланишича, пойтахтга яқин жойлашган вилоятда аҳоли турмуш даражасТошкентнт даражасига мос бўлиши лозим.
