Исломобод воситачиликни давом эттиради — Покистон ТИВ
Покистон томонларга узоқ муддатли тинчлик сари конструктив ҳаракат қилишни тавсия этди.
Покистон Ташқи ишлар вазири Исҳоқ Дар АҚШ ва Эрон ўртасидаги музокаралар якунларига муносабат билдириб, томонларни сулҳ битимига қатъий риоя қилишга чақирди.
Расмий баёнотда қайд этилишича, Исломобод Покистон воситачилик миссиясини давом эттириш ниятида бўлиб, Эрон ва АҚШ ўртасидаги мулоқотни осонлаштиришга бундан кейин ҳам кўмаклашади.
«Умид қиламизки, ҳар икки томон узоқ муддатли тинчликка эришиш йўлида конструктив ҳаракатларни давом эттиради. Сулҳ бўйича олинган мажбуриятларга риоя этилиши ниҳоятда муҳим», — деди Исҳоқ Дар.
Шунингдек, у музокараларнинг ушбу босқичида иштирок этиш учун Исломободга келган делегацияларга миннатдорлик билдириб, Исломобод мулоқот учун очиқ платформа бўлиб қолишини таъкидлаган.
Эслатиб ўтамиз, 11 апрель куни АҚШ ва Эрон делегациялари Покистон воситачилигида музокаралар ўтказган эди. Ж.Д. Венс бошчилигидаги Америка делегацияси музокаралардан сўнг келишувга эришилмаганини маълум қилган.
