Испанияда Пасха маросимида Нетаняху тимсолидаги ҳайкал порлатиб юборилди
Ҳайкалга «миллат қотили» каби кескин мазмундаги ёзувлар ёпиштирилган.
Испания жанубидаги Эль Бурго шаҳрида Пасха олдидан ўтказилган Муқаддас ҳафта тадбирлари доирасида Беньямин Нетаняху тимсолидаги ҳайкал портлатиб юборилди.
Маҳаллий ҳокимият маълумотига кўра, ҳайкал ичига жойлаштирилган 13,9 кг портловчи моддалар ёрдамида омма кўз ўнгида портлатилган. Ҳайкалга «миллат қотили» каби кескин мазмундаги ёзувлар ҳам бириктирилгани қайд этилган.
Шаҳар мэри Мария Долорес ушбу ҳаракатни маҳаллий диний-анъанавий маросим — «Яҳудони ёқиш» урф-одатининг бир қисми сифатида изоҳлаган.
«Бу урушга қарши рамзий хабар ҳисобланади. Ҳар йили биз ёвузликни ифодаловчи образни танлаймиз», — дея таъкидлаган у.
Мазкур маросим узоқ йиллардан буён католик анъаналари доирасида ўтказиб келинади.
