АҚШ–Эрон музокараларининг янги босқичи 21 апрелгача ўтказилиши мумкин
Воситачилар музокаралар сулҳ муддати тугашидан олдин ўтказилишини режалаштирмоқда.
Яқин Шарқдаги воситачи давлатлар — Миср, Покистон ва Туркия — АҚШ ҳамда Эрон ўртасидаги музокараларнинг янги босқичини ташкил этишни режалаштирмоқда.
Ахиос нашри хабарига кўра, томонлар ўртасида мулоқотни давом эттириш ва мавжуд келишмовчиликларни бартараф этиш бўйича саъй-ҳаракатлар кучайтирилмоқда.
Манбаларга кўра, навбатдаги музокаралар яқин кунларда ўтказилиши кутилмоқда. Асосий мақсад — амалдаги сулҳ битими муддати якунланадиган 21 апрелга қадар муҳим масалалар юзасидан келишувга эришишдир.
Таъкидланишича, ҳозирги вазият тўлиқ боши берк кўчага кириб қолмаган. Мулоқот эшиги очиқ қолмоқда ва ҳар икки томон ҳам музокараларни давом эттиришга тайёр эканини намоён этмоқда.
Эслатиб ўтамиз, аввалроқ 11–12 апрель кунлари Исломобод шаҳрида ўтказилган АҚШ–Эрон музокаралари келишувсиз якунланган эди.
