Наманганда Абу Али ибн Сино номидаги халқаро биология олимпиадаси ўтказилади
Мусобақада 12 давлатдан жами 94 нафар иштирокчи қатнашади.
Абу Али ибн Сино номидаги халқаро биология олимпиадаси жорий йилнинг 20–27 апрель кунлари Наманган шаҳрида бўлиб ўтади.
Нуфузли илмий мусобақада Туркия, Озарбайжон, Беларус, Малайзия, Қозоғистон, Қирғизистон, Тожикистон, Россия, Мўғулистон, Таиланд, Туркманистон ҳамда Ўзбекистон давлатларидан жами 94 нафар иштирокчи қатнашади.
Шунингдек, мусобақага хорижий давлатлардан юқори малакали экспертлар, таниқли олимлар ва профессор-ўқитувчилар ҳам жалб этилган бўлиб, улар ҳакамлик, илмий баҳолаш ва тажриба алмашиш жараёнларида иштирок этади.
