Самарқандда трансмиллий наркотаҳдидларга қарши форум иш бошлади
Тадбирда 20 дан ортиқ нуфузли халқаро тузилмалар вакиллари иштирок этади.
Бугун Самарқанд шаҳрида “Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш” мавзусидаги глобал форум бошланди.
Маълум қилинишича, Шавкат Мирзиёев “Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш” мавзусидаги халқаро форум иштирокчиларига мурожаати ўқиб эшиттирилди.
Президент трансмиллий наркотаҳдидларга қарши курашиш бўйича халқаро форум иштирокчиларига мурожаат қилиб, наркожиноятларни олдини олиш бўйича бир қатор ташаббусларни илгари сурди.
Тадбирда Бирлашган Миллатлар Ташкилоти, Интерпол, Европа Иттифоқи, Шанхай ҳамкорлик ташкилоти, Мустақил Давлатлар Ҳамдўстлиги, Жаҳон божхона ташкилоти ҳамда бошқа 20 дан ортиқ нуфузли халқаро тузилмалар вакиллари иштирок этади.
