Жиззахда жаримаси бор машиналарга қарши рейд бошланди
Тадбирлар давомида 197 та қидирувдаги машиналар топилган.
Жиззах вилоятида қарздорликка қарши кураш доирасида Мажбурий ижро бюроси ҳамда вилоят ИИБ ЙҲХБ ходимлари ҳамкорлигида автотранспорт воситаларини аниқлаш ва қидириш бўйича рейд тадбирлари ўтказилмоқда.
Ушбу тадбирлар шаҳар ва туманларнинг марказий кўчаларида ташкил этилган бўлиб, махсус ишчи гуруҳлар фаолият олиб бормоқда.
Олиб борилаётган рейдлар ўз самарасини кўрсатмоқда. Жумладан, тадбирлар давомида 293 та автотранспорт воситаси жарима майдончаларига жойлаштирилди. Уларнинг 197 таси қидирувда бўлганлиги аниқланди.
Рейд тадбирлари изчил давом эттирилмоқда.
