Фарғонада эркак тўйда ароқ ичиб, правасидан айрилди
У маст ҳолда машина бошқарган ва 16,5 млн жарима тўлаган.
Қарздорнинг сўзларига кўра, у автомашина бошқаришини билгани ҳолда дўстларининг қистови билан синфдошининг тўйида 100 граммдан кўп бўлмаган ароқ ичган.
Охири ва оқибатини ўйламаган қаҳрамон спиртли ичимлик истъемол қилган ҳолда автомашинасини бошқаришда давом этаётганда ЙПХ ходимлари томонидан тўхтатилган ва содир этган ҳуқуқбузарлиги юзасидан ҳужжатлар расмийлаштирилган.
Жиноят ишлари бўйича Бешариқ туман судининг қарори билан ҳуқуқбузар Ф.Р.га нисбатан 16,5 млн сўм миқдорида маъмурий жарима қўлланилган.
Ушбу ижро ҳужжати юзасидан қарздорга нисбатан мажбурий ижро этиш чоралари қўлланилгани боис, охир-оқибат қарздор “Нексия-2” русумли автотранспорт воситасини сотишга ва ушбу қарздорликни тўлашга мажбур бўлади.
Бир лаҳзалик сархушлик оқибати ушбу фуқаро учун қимматга тушгани айни ҳақиқат.
Спиртли ичимлик истеъмол қилган ҳолда автомашина бошқариш нафақат моддий йўқотиш, балки ўзингиз ва бошқа шахсларнинг ҳаёти ҳамда соғлиғи билан боғлиқ оғир оқибатларга сабаб бўлиши мумкинлигини унутманг.
