Сирдарёда солиқ қарзи сабаб BYD хатланди
Маълум бўлишича, МЖЧ салкам 160 млн солиқ қарзини тўламаган.
Сирдарё вилоят солиқ бошқармасининг 31.03.2026 йилдаги қарорига кўра қарздор “Guliston D.B.” МЧЖдан 158,1 млн сўм солиқ қарзини ундириш белгиланиб, қарор ижроси Мажбурий ижро бюросининг Гулистон шаҳар бўлимига юклатилган.
Қарздорлик ихтиёрий равишда бартараф этилмаганлиги боис, давлат ижрочиси томонидан қарздорга тегишли “BYD” русумли автомашина хатланиб, жарима майдонига жойлаштирилган.
Натижада қарздор корхона томонидан 158,1 млн сўм солиқ қарзи ҳамда қарздорлик сабаб юзага келган 7,9 млн сўм ижро йиғими маблағи тўлиқ ундирилиб, қарор ижроси таъминланди.
