Жиззахда алиментдан қарздор ота машинасидан айрилди
Маълум бўлишича, эркак фарзандига алимент тўламай, автомашинасини яшириб келган.
МИБнинг Жиззах шаҳар бўлими иш юритувига фуқаролик ишлари бўйича суд қарорига асосан қарздордан бир нафар фарзанд таъминоти учун даромадининг 1/4 қисми миқдорида алимент ундириш белгиланган ижро ҳужжати келиб тушиб, ижро иши қўзғатилган.
Алимент тўловларидан қарздорлик юзага келгани сабабли қарздорга тегишли KIA Carnival русумли автомашина қидирувга берилган.
Шунингдек, ўрганишлар давомида қарздорнинг нафақат алимент, балки солиқ, микромолия ташкилотлари ва бошқа органлар фойдасига жами 34 та ижро ҳужжати бўйича қарздорлиги мавжудлиги аниқланган.
Бюронинг Жиззах вилояти бошқармаси Қидирув шўъбаси ҳамда ЙҲХБ ходимлари билан ҳамкорликда ўтказилган тезкор қидирув тадбирлари натижасида мазкур автомашина қарздор томонидан яшириб қўйилган гараждан топилиб, жарима майдончасига жойлаштирилди.
Қарздорликлар қопланмаса, ушбу автомашина электрон онлайн савдога чиқарилади. Тушган маблағдан, аввало фарзанд таъминоти, сўнгра бошқа қарздорликлар қопланади.
