“Зироат Мирзиёева болалар саратонига қарши курашда етакчи” — ЖССТ раҳбари
Тошкент шаҳридаги Республика болалар онкологияси марказига ташрифи чоғида у “Замин” фондининг фаолиятини юқори баҳолади.
ЖССТ раҳбари Тедрос Гебреесус Ўзбекистоннинг Биринчи хоними Зироат Мирзиёевани болалар саратонига қарши кураш етакчиси дея эътироф этди.
Тошкент шаҳридаги Республика болалар онкологияси марказига биргаликдаги ташрифи чоғида у Зироат Мирзиёева раислигидаги “Замин” фондининг фаолиятини юқори баҳолади.
Тедрос Гебреесуснинг таъкидлашича, айнан Биринчи хоним раҳбарлигида Фонд болалар онкологияси соҳасидаги тиббий хизматларни кенг кўламда яхшилаш ҳамда бутун мамлакат бўйлаб “Меҳрли мактаб” госпиталь-мактабларининг ноёб тармоғини яратишда муҳим ўрин тутмоқда.
Зироат Мирзиёеванинг ташаббуси билан шифокор ва педагогларнинг саъй-ҳаракатлари бир мақсад йўлида бирлаштирилди. Эндиликда онкологик хасталикка чалинган болалар комплекс ёндашув асосида ғамхўрлик кўрсатилмоқда: улар нафақат замонавий муолажаларни, балки соғайиб кетиши ва тўлақонли ҳаёт кечириши учун зарур бўлган узлуксиз таълим ва ижтимоий кўмакни ҳам олмоқда.
