Фарғонада МИБ орқали 200 млн солиқ қарзи ундирилди
Қарздор банкдаги ҳисобрақамларига банд солинган бўлса-да, қарзни тўламай келган ва маблағ мажбурий ижро орқали ундирилган.
Сир эмас давлат бюджети асосан солиқ тушумларидан шакллантирилади, бунда катта ва муҳим ишлаб чиқариш корхоналарининг тутган ўрни аҳамиятлидир. "Б.Б." МЧЖ ҳам шундай ишлаб чиқариш корхоналари сирасига киради.
Фарғона вилоят Давлат солиқ бошқармасининг 25.01.2026 йилги қарорига асосан қарздор "Б.Б." МЧЖдан 198 216 410 сўм солиқ қарзини ундириш тўғрисидаги ижро ҳужжати Бюронинг Бешариқ туман бўлими иш юритувига ижро учун келиб тушган ва қарздорга ихтиёрий муддат берилган.
Лекин қарз тўланмагач, жамиятнинг банкдаги барча ҳисоб рақамларига бандлар солинган, лекин қарздорнинг ҳисоб-рақамларига анча вақтгача маблағ келиб тушмаган ва олиб борилган мажбурий ижро ҳаракатлари давомида 23.04.2026 йил куни қарздордан 198 216 410 сўм солиқ қарзи ва 9 910 820 сўм ижро йиғими тўлиқ ундирилиб, ижро ҳужжати Қонуннинг 41-моддаси 1-қисмига асосан тамомланди.
