Ўзбекистонда камералар орқали 190 дан ортиқ қоидабузарлик ҳолати аниқланди
Энг кўп гувоҳномасиз бошқарув ҳолатлари Хоразм ва Тошкентда қайд этилган.
Ўзбекистонда автоматлаштирилган фото ва видеокузатув тизимлари орқали ҳайдовчилик гувоҳномасисиз транспорт воситасини бошқариш билан боғлиқ 192 та ҳолат аниқланган.
Йўл ҳаракати хавфсизлиги хизмати маълумотига кўра, энг кўп қоидабузарликлар Хоразм вилоятида қайд этилган бўлиб, бу ҳудудда 60 та ҳолат аниқланган. Кейинги ўринларда Тошкент шаҳри — 40 та, Қашқадарё вилояти эса 20 та ҳолат билан қайд этилган.
Шунингдек, Тошкент вилоятида 14 та, Жиззахда 13 та, Фарғонада 10 та, Андижонда 9 та, Наманган ва Сурхондарёда 6 тадан, Қорақалпоғистонда 5 та, Сирдарё ва Самарқанд вилоятларида 3 тадан ҳолат аниқланган.
Қайд этилишича, 32 та ҳолат бўйича транспорт бошқариш ҳуқуқидан маҳрум этилган шахсларнинг рулга ўтиргани учун маъмурий баённома расмийлаштирилиб, 50 баравар базавий ҳисоблаш миқдорида жарима қўлланилган.
Яна 31 та ҳолатда тегишли модданинг бошқа қисми асосида баённома тузилиб, 5 баравар базавий ҳисоблаш миқдорида жарима тайинланган.
Масъуллар огоҳлантиришича, транспорт бошқариш ҳуқуқидан маҳрум этилган шахс томонидан қоидабузарлик такрор содир этилса, жиноий жавобгарлик қўлланилиши мумкин.
