Қашқадарёда медиа ҳафталик якунланди: янги ёндашувлар шаклланди
Лойиҳанинг навбатдаги босқичи 27 апрель – 1 май кунлари Самарқандда давом этади.
Қашқадарё вилоятида медиа ҳафталик лойиҳасининг навбатдаги босқичи якунланди. Ушбу ҳудуд ҳафталикнинг тўртинчи манзили сифатида иштирок этиб, медиа соҳасидаги ўқув жараёнларининг якуний босқичига мезбонлик қилди.
Ҳафталик давомида ўтказилган тренинг ва амалий машғулотлар давомида иштирокчилар ахборот яратиш, уни таҳлил қилиш ҳамда тақдим этишнинг замонавий ёндашувларини чуқур ўзлаштирдилар. Ҳар бир дарс жараёнида медиа маҳсулотларни тайёрлашда янги ёндашувлар шаклланди.
Тренинглар натижасида иштирокчилар янгиликларни тайёрлаш тезлиги ва сифатини мувозанатда ушлаш, шунингдек, тезкор ахборот оқими шароитида ишончли контент яратиш бўйича муҳим кўникмаларга эга бўлдилар. Шунингдек, ахборотни фақат етказиш эмас, балки унинг аудиторияга таъсирини бошқариш муҳимлиги алоҳида таъкидланди.
Қашқадарё медиа ҳафталиги воҳа медиа маконига янги ёндашув ва замонавий руҳ олиб киргани билан ажралиб турди. Лойиҳанинг навбатдаги босқичи 27 апрель – 1 май кунлари Самарқанд вилоятида давом этади.
